ابنة الممثل الهارب محمد شومان تخرج عن صمتها و تقول «وجودك هو الأذى الوحيد في حياتنا»

 ابنة الممثل الهارب محمد شومان تخرج عن صمتها و تقول  «وجودك هو الأذى الوحيد في حياتنا»


    خرجت  إبنة الممثل المصري الهارب محمد شومان  عن صمتها حيث قالت خلال فيديو نشرته عبر موقع التواصل الإجتماعي " فيس بوك " بخصوص البيان الذى أصدره والدها الهارب من مصر .

    حيث قالت لجين شومان  "اضطريت آسفة اعمل الفيديو ده بعد ما تجنبته لسنين، لأسباب كتير اوى منها أن ناس قليلة جدا اللي تعرف أنك بابايا. فعلا كان نفسي أكمل كده ومحدش يعرف.. ده رد على البيان اللي محمد شومان أصدره النهاردة على صفحته"

    وتابعت ابنة الفنان محمد شومان  حديثها قائلة "انا لوجين شومان ابنة محمد شومان اللى أصدر بيان النهاردة بيناشد السلطات أنهم ينقذوا أسرته اللى بيموتوا بالبطئ.. وأنهم يفرجوا عن أخويا من غير أى شروط.. الأول عاوز أعلق على أننا مش أسرتك علشان أنت مجرد اسم على البطاقة. واحنا مالناش صلة بيك.. وقطعنا كل ما له علاقة بيك من 5 سنين.. وابنك اللى بتناشد السلطات علشان تطلعه ماتحملتش مسئوليته من وهو عنده سنة ونص واللى أمه ربته"

    و إستكملت لجين شومان ، "انت مش رب أسرتنا.. احنا رب أسرتنا أمنا.. انت مش مسئول عننا.. ولا مسئول مننا، مش من حقك تطلع تتكلم بلسانا.. أنت بتتكلم عن أخوك وابنه بس مالكش دعوة بينا.. وبيتحقق معاه علشان يتأكدوا أنه مالوش صلة بيك تماما، وهيطلع.. ماتدخلش أرجوك"

    وواصلت ابنة محمد شومان " لجين " حديثها قائلة "  لو عاوز تعمل صورة الأب، اللى هو عاوز ينقذ أولاده.. انزل وواجه ده بنفسك.. بس ماتبقاش قاعد فى بلد تانية وتتكلم باسمنا.. حاولنا نشيل اسمه.. ونرفع قضايا بس ماعرفناش وبنوجه رسالة للسلطات.. لو هما يعرفوا يساعدونا نعمل ده.. خليكوا معانا.. احنا بنحاول.. وأرجوك ماتتكلمش بلسانا.. وماطلعش بيانات .. انت بتعمل ده بس علشانك".



    و إختتمت لجين كلامها "بتتكلم عن فيلم وبتعمله له دعايا على قفانا.. مش عارفة أقولك ايه الحقيقة.. أنت بتقول إن احنا بنموت بالبطئ، ووجوده أذى لينا.. احنا موجودين هنا بإرادتنا.. مافيش أذى من الدولة علينا.. وجودك هو الأذى الوحيد فى حياتنا.. احنا هنا علشان عاوزين نفضل هنا ومن غيرك".




    AYA-RAFAT
    @مرسلة بواسطة
    كاتب ومحرر اخبار اعمل في موقع اندماج .

    إرسال تعليق