عبدالله الشريف يرد على الشائعات التي نشرها المصري محمد قنديل

عبدالله الشريف يرد على  الشائعات التي نشرها المصري محمد قنديل


    قال  الشاب  المعارض عبد الله الشريف عن جميع الشائعات و التسريبات  متداولة له، هي عبارة عن مقاطع فيديو وصور نشرها الإعلامي المصري، محمد قنديل خلال حديثه مع فتاة.

    حيث قال خلال مقطع فيديو نشره فجر اليوم الأحد الموافق 19 أبريل قال فيه: "من أسبوع أو 10 أيام حصل إن كان في ناس حطولي تسريبات وقالوا إن عبدالله في ناس مسرباله تسجيلات صوتية على اليوم السابع وبعدها كان في كم حد نشر الصوتيات دي وقالوا خدو شوفو هذا الشيخ بتاعكم، أولا مبدئيا كدة، عشان برضه تبقوا فاهمين أنا كل حلقة بركز على كلمة أنا مش شيخ مش عشان أنا بعمل مصايب، لأ، عشان كل ابن آدم خطاء وخير الخطائين التوابين وأنا أصلا ما بقول شيء فيه دين أنا بتكلم سياسية عشان كدة أنما بقول إني أنا مش شيخ.."

    وتابع الشاب عبد الله الشريف : "بعد التسريب لقيت الدنيا جميلة معاهم وفرحانين وبيلعبوا على الوتر هذا جدا، عشان يضربوا الشخص الي بيجيبلهم التسريبات عن سرقات وعن مصايب واشتغالات للشعب وكدة، سواء كان في مصر أو برة مصر، الي حصل أني فكرت بعد ما قالي تسريبات، لقيت واحد بيكلمني على الواتس بقولي أنا صورتلك قصر القبة من جوا بتاع السيسي شوف الصور وشوف الحركات أخذت الصور كالعادة بتحقق منها لقيت الصور مضروبة وجاية من على غوغل، جاتلي فكرة كدة لزيزة طيب ليه انا مرحلوهمش أكلمهم على أساس إني وحدة مجروحة من عبدالله وأقول لهم يا جماعة أنا عندي تسريبات لعبدالله وعايزة أفضحه.."

    و أضاف عبد الله الشريف  حديثه قائلا : "فعلا تواصلنا مع الأخ محمد قنديل وبعتناله وقلنا له إن عندنا تسريبات أان بقى يعني وحدة مصدومة من التسريبات بتاعت عبدالله وعندي تسريبات ليه عايزة افضحه، القصة كانت عاطفية إن أنا عندي تسريبات عاطفية، والراجل طلع طماع حبتين مرضات بالتسريبات العاطفية، لأ شوفيلي فضايح اان عايز حاجات جنسية.."

    و إختتم  عبد الله الشريف حديثه قائلا : "التلفون الي كان بيكلم محمد قنديل أو التلفون الي كان بيكلم منديل المعيز، هذا هو التلفون، وهذه هي الرسائل بتاعت الراجل والرقم الي انتو شايفينه ده هو رقم محمد قنديل والرسائل هذه هي الرسائل الي بعثت لمحمد قنديل انت عارف لما يكون التلفون والرسائل معمول لها إعادة إرسال بتلاقي مكتوب إلى جانب الرسالة إعادة إرسال، لكن الرسائل هذه ليست إعادة إرسال يا فندم.."

    هذا و قام  الإعلامي المصري محمد قنديل بالرد على موقع التواصل الإجتماعي " تويتر " حيث قام بنشر مقطع فيديو   "كل ما تحاول ترد الضربة حضربك تاني، وحتفضل انت تحاول وانا الي حفضل اضرب لحد ما تقع ومش حتقوم لك قومة، حاولت تفهم الناس بتوعك إنها لعبة وانت الي بتلعبها عليا وأن أنا الضحية مش انت وبنفس الوقت كان كل كلامك رد فعل مش فعل.."

    وتابع الإعلامي محمد قنديل : "المفروض الي بعمل الحفلة وبنصبها بكون جاهز بليلة الاحتفال بيطلع كدة في يوم جاهز يقول أنا اليوم طالع احتفل بالنصر، لكن أنت كل الي عملته انك طلعت بعد كل حلقة ليا رقعت، وكلامك كان أهبل وعبيط زيك، قال برانك تشات قال هذا البرانك تشات حتنزل له حلقة بكرا تفضحه وتنسفه.."

    و إختتم محمد قنديل  حديثه قائلا : "الناس قالت لك انت بتهري يا عبودة، والكلام ده في الفاضي رحت حاذف الحلقة وقلت أصل الكلام البذيء الناس زعلت منه مع أنك كان ممكن تحذفه وتسيب الكلام الأولاني الي كله مصايب، وطلعت لنا بحاجة جديدة بالموبايل بزات نفسه، طيب يا سيدي الموبايل ده بقى حلقة تانية برضه فضيحة.."
    AYA-RAFAT
    @مرسلة بواسطة
    كاتب ومحرر اخبار اعمل في موقع اندماج .

    إرسال تعليق