ابرز تصريحات هند صبري في “معكم”

اوضحت النجمة هند صبرى عن الكثير من الأمور خلال استضافتها في برنامج “معكم” مع الإعلامية منى الشاذلى  الذي تذاع على قناة cbc، حيث تطرقت لأمور كثيرة بخصوص مسيرتها الفنية وحياتها الخاصة أيضاً

بداية علاقة هند صبري ب منة شلبي :

أكدت هند صبري، أن علاقتها مع منة شلبى شهدت مفارقات عديدة في بدايتها قائلة “أنا ومنة شلبى كان في مشاكل بينا زمان ومكناش بنطيق بعض، بسبب الناس اللى بتوقع بينا، لأن لما بدأنا طلعنا سوا في نفس الوقت زى منى زكى وحنان ترك زمان، وكنا بنسلم على بعض عادى بس بحرص شديد”.

وتابعت هند صبري: “لما طلبنا محمد خان كان عاوزنا في فيلم سوا، روحنا له البيت كتعارف وسابنا قاعدين سوا في الصالون وقال رايح أعمل قهوة ومن هنا بدأنا نتكلم سوا وصفينا الموضوع ومن وقتها بقينا أصحاب أكتر بقالنا تقريبا 20 سنة”.

واستكملت هند صبري: “أنا مش وحشة في خصامى، ومعنديش الكيد ولا منة شلبى، وكنا وقتها عيال أوى ومحصلش خصام ولكن زى ما قلت كان في حرص وممكن يكون في قلق بنا وفى منافسة على أفلام وأدوار، ولما كبرنا فهمنا إن مفيش حد لو نجح هيخلى الثانى يخسر حاجة، والوسط الفني في صداقات وحب وفى برده ناس مش كويسة، وأنا اتعرضت للكيد زمان في بداية حياتى وكانوا بيقولوا عليا المغتربة”

كواليس السفر إلى مخيم بين بنجلادش وبورما:

وأشارت هند صبري إلى أنها التقت بسيدات من أقلية الروهينجا المسلمة والمضهدة في المنطقة الحدودية بين بورما وبنجلادش، لافتة إلى أنها هي من طلبت الحضور إلى المخيم الموجود هناك بالتنسيق مع منظمة الغذاء العالمي مواصلة: «الناس هناك هربت من بورما على بنجلادش مشي وسط سلسلة جبال بعيالهم وجدودهم وأباهاتهم، وكان فيه ناس بتموت وسط الرحلة، وكان في اغتصابات بيتعرض لها النساء، والمخيم ده فيه 2 مليون في الوقت الحالي، والمخيمات فيها أمل لأن الناس فيها عاوزين يكملوا عشان فيه سيدات من إسبانيا والعراق وتونس ومصر بيساعدوا الناس اللي عايشة في المخيم عشان حياتهم تبقى أفضل».