فى تصريحات صحفية قال الفنان المصري جمال يوسف مريض سرطان البلعوم:  ” دعم السوشيال ميديا فرق معايا، مكنتش بعرف أتكلم غير لما بنتي قالتلي أنت قالب الدنيا على فيس بوك والناس بتدعيلك»

و أردف الفنان المصري جمال يوسف  «أنا تعبان من 6 شهور وقافل على نفسي، أنا مبسوط إني شفت حب الناس وأنا عايش».

و تابع حديثه قائلا  «لقيت نفسي بتكلم وعايز أشرب بعد دعم الناس، مع إني مكنتش بشرب بقالي 3 شهور»، مشيرا إلى أن الطبيب أخبره أن 11% فقط يتحملون مرضه.

و أشار إلى أن : «جسمي بدأ يضعف، وكنت وصلت لليأس بعد ما رقبتي اتحرقت من الإشعاع»، معلقا «قولت مش هتعالج وهسيب قدري لربنا وقربت منه، ابني قالي أرجوك أنا حاسس إني ضهري اتكسر من غيرك، فقررت أكمل جلسات الإشعاع، رغم إني تعبت ولساني اتحرق».

و تابع «الفنان محمد صبحي يتواصل معي يوميا وأخبر طبيبي أنه يرغب في تحمل نفقات سفري للعلاج إلى الخارج»، مردفا «أنا مش محتاج حاجة، النقيب أشرف زكي ملاك مش إنسان، تكفل بجميع نفقات علاجي ولم يتركني».

و أوضح وهو يبكي «الأول كنت خايف من الموت، ولما قربت من ربنا مبقتش خايف، أنا بس خايف من مقابلة ربنا، عايز استغفر كتير قبل ما أقابله، أنا بني آدم وأكيد عندي ذنوب.

ووجه يوسف رسالة إلى الجمهور قائلا: «بحبكم أوي ورفعتم من روحي المعنوية ، منحتوني أمل إني أرجع أتكلم تاني».