أخبار الفن

الفنانة يسرا : ” أتدخل في اختيار أبطال أعمالي “

قالت الفنانة المصرية الكبيرة يسرا، خلال لقاء معها في سهرة خاصة بمناسبة افتتاح مهرجان الجونة السينمائي و الذي تقدمه الإعلامية المصرية لميس الحديدي و الذي يذاع عبر قناة و شاشة on  ,  إن أهم ما شجعها أن تكون ضمن مؤسسي مهرجان “الجونة “السينمائي كونها قطعة من مصر لا يعرفها الكثيرون فالجونة قطعة من أوروبا.

حيث أضافت الفنانة يسرا خلال حديثها  ” حتى الصعايدة اللي شغالين هنا قمة الجدعنة أنا فاكرة إن مرة ضاع حلق فضلوا يدوروا عليه لحد مالقوه وأنا شكرتهم واحد واحد فضلوا مش ناسيين ده لحد دلوقتي، فيهم جدعنة وأصالة “.

و تابعت حديثها  “أنا ضمن المؤسسين من الدورة الأولى للمهرجان وعمري ما تخيلت يبقى كده ربنا ساعدنا بجد بحاجات كتيرة والمحبة كانت سائدة منذ الدورة الأولى وأمانة بينا جميعاً كل إلي فيه كانوا بيفكروا بس إزاي ينجحوه؟ ماحدش كان منفرد برأيه وده من أساسيات النجاح للمهرجان”.

و علقت الفنانة يسرا على أنسي أبو سيف بعد ما حصل على الجائزة ” أنسي أبو سيف أنا عملت معاه مش أقل من 30 أو 40 فيلما وبعدين جمال شخصيته متمركزة فى أنه عمره ما بيحب يقول أنا عملت وسويت ومش هنسى دوره فى فيلم اسكندرية كمان وكمان.. أنسي شخص خاص جداً وجدع جداً، مرات نكلمه عشان ناخد نصيحة في تصوير فيلم هو مش موجود فيه يدينا النصيحة بإخلاص بدون حسابات.. أنسي ابو سيف اسطورة من أساطير السينما المصرية”.

و أشارت الفنانة المصرية يسرا إلى ان : “السينما مش ممثل بس السينما فريق عمل متكامل يبدأ من المخرج ويمر بالممثل وكل من خلف الكاميرا وكل الطاقم الفني حتى العامل الي ورا الكاميرا إلي بنساله عن رايه في الأداء ونقوله إيه رايك عملت المشهد كويس؟”.

و تحدثت أيضا حول ذكرياتها الجميلة مع الفنان الراحل محمود ياسين ” اشتغلت معاه كتير وكان أول مرة اروح كواليس فيلم من قبل بدايتي كان فيلم ” الكداب ” اتفرجت ساعتها على الاستاذ محمود ياسين من بعيد عشان أشوف بيمثله إزاي، وأنا فاكرة أن كان عندي مشهد معاه في فيلم ” الثأر ” بعد خروجي من المستشفى وعندما تحدث مكنتش عارفة امسك بربشة عينيا من جمال صوته.. كفاية أخلاقه وأدبه.. عنده مبادئ وكان خجول جداً ولما كان يشوفني وأنا زعلانة ومضايقة كان بيضحك وأسأله بتضحك على إيه؟ يقلي إنتى متزرزرة خالص”.

و أوضحت يسرا :” مصر كانت شجرة عظيمة مليانة قناديل منورة كل شوية قنديل منهم ينطفي ويروح مننا وإلي بيروح مش بيرجع النهارده في المهرجان كرمنا كام فنان رحلوا في سنة واحدة وهؤلاء هم صناع السينما المصرية الحقيقية شويكار ونادية لطفي وكلهم هنرجعهم إزاي ؟ “.

و تحدثت يسرا حول الجيل الجديد من الفتيات ” أنا كنت صبورة جداً في بداية حياتي هما كمان لازم يصبروا ويعلموا نفسهم مش بالقراءة بالاحساس ويطوروا نفسهم ومايقفوش عند حد معين وإزاي يكملوا المشوار بجد”.

و في الختام قد تحدثت حول أعمالها المستقبيلة حيث قالت  ” بعد خيانة عهد هعمل غير المتوقع وغير المتوقع لازم ننتظره لأن المتوقع مش هيمشي دلوقتي إحنا لازم نتخض كل شوية ” .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى