أخبار الفن

بوسي شلبي في مهرجان الجونة

أعتبرت الإعلامية المصرية بوسي شلبي، مهرجان الجونة السينمائي، أنه مختلف تماما عن أي مناسبة أخرى، مشيرة إلى أن السبب في ذلك هو وجود “البحر” في الجونة.

وأضافت بوسي في لقاء أثناء حضورها في إحدى فعاليات مهرجان الجونة السينمائي الدورة الرابعة التي تقام في الفترة الحالية: “بعتبر الجونة مختلف لأنه شوية صيفى. بعكس مهرجان القاهرة، بيحتاج شغل كتير وتقيل أكتر”

تصريحات بوسي شلبي :

وتابعت: “مهرجان الجونة أكثر روشنة وواخد طبع المدينة الساحلية. إحنا لما بنيجي الجونة بنبقى روشين ومفرفشين”.

وأردفت: “حتى مهرجان إسكندرية بحس إنه مختلف عن أي حاجة بسبب وجود بحر. ده بيخلي الموضوع مختلف، لما بتروحي الساحل بتاخدي معاكي لبس مختلف عن اللي بتاخديه معاكي وإنتي رايحة مكان تاني”.

وتابعت قائلة:
“الناس بيتعاملوا مع مهرجان الجونة على إنه (كان)، فبقى ياخد شكل تاني في اللبس والستايل وبنحاول نغير على قد ما نقدر”.

وواصلت: “أنا كنت بشتغل قبل ما أتجوز محمود عبد العزيز بـ7 أو 8 سنوات، اللي حببني في المهرجانات كانت أحلام شلبي أختي مش محمود، لإنها كانت بتشتغل قبلي وكنت بروح معاها”.

ذكريات بوسي شلبي في المهرجانات :

وتحدثت عن ذكرياتها مع أول مهرجان حضرته، قالت:

“أول مهرجان حضرته كان إسكندرية السينمائي، سنة 1978 وكانت أول دورة. ومحمود عبد العزيز كان متواجد، وأنا حبيته في الدورة دي وكان عندي 13 سنة، كان بيعمل فيلم مع شيريهان وبيصوروه في إسكندرية”.

وأكملت بوسي شلبي:

“هو مكنش متجوز ولا أي حاجة، كان مشهور بس يعتبر في البداية لسة. وأنا كنت طفلة ورحت مع أختي، قولتلها إني هتجوز محمود عبد العزيز، علشان كده بحب مهرجان إسكندرية”.

واختتمت: “من 78 قعدت أحب محمود لحد ما اتجوزته وعشت معاه 20 سنة، وربنا يرحمه وأسعدوني بصورة كده عملوها في المهرجان حسيت إنه معايا. وأنا دايما بحس إنه معايا في كل مكان”.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى