أخبار الفن

أيمن رضا رداً على طلال مارديني: والدته تكتب له المسلسلات

رد الفنان السوري أيمن رضا على الانتقاد الذي وجّه إليه مؤخراً ، من قبل الفنان الشاب طلال مارديني ، حيث قال أيمن رضا: “هدول الشباب ما برد عليهم، لأنو لساهم فراخ صغار، و هنن بيعرفوا أنو إذا بدي رد عليهم برد، و بيعرفوا أنو أنا ما خرج ينهجم عليي”

أضاف الفنان السوري أيمن رضا : “في بعض الشباب لما بيهجموا، بمرقلهم، خليهم يتسلوا، ويطلعلهم رونق وينشهروا شوي.. معليش، أنا فيني سب حدا مهم وأنشهر”

و تابع أيمن رضا : “بس لما بكون الموضوع ما بخصك وبتتدخل فيه، هون بقى ببين اذا انت بدك تخلق مشكلة أو لا، أنا بالنسبة الي، في عندي أحجام معينة برد عليها، وفي أحجام بمرقلهم”.

و أشار إلى أن : “طلال مارديني شو بدي فيه، أمه بتكتبله المسلسلات، هو ما بيكتب شي، لذلك ما بدي حاسبه كممثل، يعني خلص يصطفل، هو بيعرف انو أنا بحبه وهو بحبني، فبيتنغرش نغرشة، لا يتنغرش مشان ما ننغرشه”.

وكان الفنان طلال مارديني قد انتقد بشكل غير مباشر الفنان أيمن رضا حيث قال “لم يستطع تقديم البيئة الشامية على حقيقتها”، وبأن مسلسل الكندوش الذي تسلم مهمة الإشراف الفني عليه، “سيعمل على تغيير الصورة النمطية للمرأة، وتصحيح بعض المفاهيم المغلوطة التي روّجت لها أعمال البيئة الشامية السابقة”.

حيث نشر الفنان الشاب السوري طلال مارديني عبر حسابه على موقع التواصل الإجتماعي ” فيس بوك ” منشور قال فيه : “هلق اذا واحد استلم شركة انتاج، مو غلط يحكي كانو استلم رئاسة مجلس وزراء؟!! يا حبيبي يا قلبي هي شركة انتاج يعني عادي والله عادي سماع مني، وبسام الملا يا غالي استاذ كبير و قدم شي للدراما السورية، شاء من شاء وابى من ابى، ع العموم الله يوفقك.. بس هدددددي”.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى