ظهور المخرج محمد خضر يثير الجدل في مهرجان الجونة

تعرض المخرج المصري  خضر محمد خضر زوج الفنانة المصرية ياسمين أبو النجا و إبنة الفنانة نجلاء فتحي لموجة من الانتقادات بعد نشره لصورة مثيرة للجدل و هو يحمل حذاء زوجته على السجادة الحمراء لمهرجان الجونة السينمائي لعام 2020 .

حيث قام المخرج خضر محمد بالرد على هذه الإنتقادات عبر حسابه على موقع التواصل الإجتماعي ” فيس بوك ” حيث قال : “عندي بس تعليقين صغيرين عايز اقولهم لمن يهمه الأمر .. بالنسبة للصورة بتاعتي أنا ومراتي الصورة دي اتاخدت واحنا مروحين الساعة 1:30 صباحا من حفل الافتتاح ( مش وإحنا داخلين حفل الافتتاح)”.

و أضاف المخرج المصري حديثه قائلا : “أكيد مش هدخل حفلة شايل جزمة مراتي وماشي .. إحنا الدعوات بتاعتنا دعوات VIP مش دعوات مشاهير فده أصلا ما بيدخلناش على السجادة الحمراء مع الفنانين ده بيدخلنا من باب تاني جنبه ما فيهوش كاميرات”.

و تابع خضر محمد أيضا : “كل ما هناك إن بعد 6 ساعات من الحفل وإحنا خارجين باب الخروج كان زحمة وكل الناس خارجه منه ( فنانين وغير فنانين ومصورين وكاميرات فيديو ) ومراتي أكيد بعد 6 ساعات رجلها تعبت زي أي واحدة رجلها بتتعب في أي فرح فقلعت الجزمة .. فمن الطبيعي ومن الرجولة ومن الأدب إن أنا اللي أنزل أجيب الجزمة ( مش هخلي مراتي توطي وسط الناس أكيد ) ودي لا حاجة تعيبني ولا تقلل مني” .

و في ختام منشوره قال المخرج خضر محمد : “واحدة شايلة بيتي على راسها 15 سنة مش هشيل جزمتها 15 دقيقة .. المهم ضربت بعيني لقيت ممر السجادة الحمرا مفتوح وفاضي قولتلها ياللا نخرج من هنا أسرع ولقينا المصور العزيز محمد حامد بيطلب مننا صورة فوقفنا 3 ثواني بالظبط ابتسمنا وأخدنا الصورة وخلعنا والراجل تفضل مشكورا وبعتلي الصورة على الفيسبوك وبصراحة الصورة لذيذة .. ولما حطيتها عندي على الوول لقيتها بيتعمل لها شير روحت قافلها ( للأصدقاء فقط ) بس كده” .