بسمة بوسيل تعتذر لتامر حسنى: اتهورت عشان بحبك

اعتذرت زوجة الفنان المصري تامر حسني بسمة بوسيل لزوجها و ذلك بعد الأزمة التى مر بها الثنائى خلال اليومين الماضيين، حيث علقت بسمة من خلال “ستورى” عبر حسابها على موقع التواصل الإجتماعي ” إنستقرام ” : “فعلا اتهورت بس علشان بحبك.. آسفة” .

و من جانبه قام الفنان المصري تامر حسني بالنشر عبر حسابه على موقع التواصل الإجتماعي ” إنستقرام ” : “بسمة حببتي للأسف إنتي مفكرتيش كويس وسلمتى ودنك لشر السوشيال ميديا عشان كان تعليق كلامهم فارغ، نسوكي إنك عرفتيني وأنا مشهور ودي طبيعة شغلي اللي عرفتيني عليها وحبتيني بيها، إزاي وصلوكي للزعل والبعد فترة.. المهم أنا مش هزعل منك ولا يرضيني زعلك إنتي حبيبتي وأم ولادي.. أنا ضهرك وسندك مهما حصل، بس اللى عايز أقوله لعل نكون سبب خير في توعية ناس كتير”.

و أضاف تامر خلال خاصية الستوري على موقع الإنستقرام : “ليه لما أي حد بيزعل من حد بيطلع يكتب عليه في السوشيال ميديا طب حتى يكلمه الأول إيه علاقة الناس بعلاقة شخصية بين اتنين ممكن تتحل في التليفون أو في زيارة رحيمة ما بينهم وياريتها مشكلة أصلا.. ربنا جعل ما بينا مودة ورحمة عشان كدة للأسف إنتي عارفة إن في ناس في طبيعتهم حب خراب البيوت ومش هنخلص منهم بس إنتي اللي هتخلصي من فكرة إنك تسمعيهم”.

و في الختام قال الفنان المصري تامر حسني : “ياريتك تركزي مع طاقة الناس اللي دعولنا ودعوا لولادنا وفعلا أنا بشكر كل الناس والفنانين اللى سعوا في الخير لينا.. وأنا واثق إنك دلوقتي زعلانة انك كتبتي كدة.. هو تصرف متهور منك بس ولا يهمك مش عيب إن الإنسان يغلط ويتعلم وأنا ياما علمتك ولسه هعلمك كان نفسي الكلام ده يكون بينا لكن انتي أشركتي الجمهور الكريم فكام لازم أرد هنا.. وبينا حب عالي وحياة كريمة وأولادنا و بيتنا أغلى ما فيها ربنا يخلينا ليهم ويخليهم لينا يا رب.. متهورة بس بحبك”.