قال المخرج رامي إمام ” ابن الفنان عادل إمام ” خلال لقاء معه عبر قناة dmc  المصرية بأن مشهد الضرب بين عادل أمام و حمدي الميرغني كان حقيقي و ان الزعيم قد خرج عن السيناريو حيث قام  بقول عبارات ارتجالية من الزعيم و قام بضرب حمدي وذلك لم يكن في السيناريو .

حيث كشف المخرج رامي إمام خلال اللقاء معه في برنامج  “مساء dmc” “أستاذ عادل في المشهد ده متكلمش غير قليل أوي وفي لحظة كده في الآخر قام ضارب حمدي بالقلم على سهوة وقاله إخرس.. حمدي من الصدمة معرفش يعمل إيه قام وقف زعلان كده زي العيال الصغيرة، فالزعيم كمل بكلام ارتجالي زيادة عن السيناريو.. فإحنا وقعنا من الضحك”.

ومن الجدير بالذكر أن  الفنان الصاعد حمدي الميرغني قام  بالرد حيث قال “أول ما اتقال كات والمشهد خلص أستاذ عادل حضني وباسني من راسي وقالي اوعى تكون زعلت.. مع إن أنا كنت ميت ضحك أصلا مع الناس هزعل إيه.. أستاذ عادل ليه احترامه في تاريخه وسنه ومقامه وكل حاجة، ومش مطالب منه يبرر لي مش عشان هو الزعيم، لا عشان أنا أصلا مش هزعل لأن ده تمثيل وهو قيمة وقامة كبيرة”.