نشرت المصرية بدرية طلبة مقطع علي موقع إنستقرام تسخر فيه من حظر التجول المفروض بسبب فيروس كورونا حيث قالت “فيروس ايه يا أختي، احنا المصريين مبيحوقش فينا حاجة، دا هما بيقولوا بلاش تجمعات واحنا متجمعين، بلاش بوس واحنا بنهري بعض بوس، انا بحب الكورونا باللبن وبحب الكورونا بالملبن”.

و بعد الهجوم الشديد عليها من قبل المتابعين قامت الفنانة المصرية بدرية طلبة بحذف مقطع الفيديو وقالت أنها كانت لم تدرك خطورة الوضع و نشرت فيديو أخر توضح فيه مدى خطورة فيروس كورونا حيث قالت فيه “عشان ما ينتشرش فيروس كورونا.. أوعوا تيجوا تزورونا ولا نزركم ولا نعرف بعض الفترة ده.. كل واحد يلتزم بيته.. أقعدوا في البيت إلهي تنستروا”

ولم تهدأ الإنتقادات عليها حيث قامت بدرية طلبة بنشر تغريدة على موقع التواصل الإجتماعي ” تويتر ” “عايزة أوضح لكم إن في بداية انتشار الوباء كان فيه أخبار متضاربة عن عدم وجود الوباء وعن عدم وجود مصابين، وأنا عن نفسى مكنتش حابه يحصل رعب للناس وأخفف من عليهم خوفهم وقلقهم وخصوصا إن الموضوع كان محدد في الصين وانتشارات بسيطة في بعض الدول”.

وأضافت بدرية طلبة علي تويتر: “علشان كدة كنت واخدة الموضوع عدم جدية وبحاول أبسط الموضوع للناس عن طريق الهزار وأقول للناس متخافوش وفعلا محدش كان يتوقع الانتشار السريع للفيروس ولما اتأكدت من خطورة الموضوع تراجعت وعملت فيديو بنصح الناس الالتزام بالبيت وأننا نقف جنب بعض لحد ما الأزمة تعدى ومش معنى وجود فيديو بهزر فيه وفيديو تانى بنصح الناس أنى متناقضة واستأذنكم من حق أي شخص يقول راية ويكتي تعليق لكن من غير غلط وسب لأن أكيد مش حقبل بكدة ولا أنت حتقبل حد يغلط فيك،  من حقك تكتب تعليق لكن مش من حقك تغلط وتسب ومش حقبل بالغلط اي غلط بلوك وده حقي نحترم بعض افضل وعادى جدا لو مش عاجبك اسلوبي مش مجبر تتابعنى والكلام ده مش لمتابعينى المحترمين الكلام ده للي سهل عندهم يغلطو ويهينو ويقولك حقي لاء حقك فى نفسك مش فيا كلامى واضح ومن غير زعل”.