هاجمت الفنانة المصرية ريهام حجاج متابعين بعد إتهام إحدي المتابعيات أنها عشيقة طليق الفنانة ياسمين عبد العزيز و هو رجل الأعمال محمد حلاوة .

حيث قالت عبر موقع إنستقرام : : «انا شايفة انكم بقالكوا كتير اوي بتحكوا في المحكي؟! ما زهقتوش ؟ ! كلكم علي بعض.. كومنت تلت ترباعكم لجان إلكترونية وفي الربع التاني حافظ وبيردد كلام أنا بقالي سنتين متجوزة وقربت أخلف وأنتم مع كل صورة بنزلها مع جوزي نفس الأشخاص بنفس التعليقات».

و أشارت الفنانة ريهام حجاج: «عموما أنا متصورة مع جوزي مش عشيقي (حرة ومابعملش حاجة غلط ومش عشان أي سبب غير أني حابة الصورة وحابة أشاركها مع كل الناس السوية مش المريضة . . . اللي بيحبوني وبيبعتولي تعليقات جميلة ولطيفة ) علي الإنستجرام بتاعي انزل عليه اللي أنا عايزه بتتكلموا في موضوع يضحك اساسا».

و تابعت الفنانة  ريهام حجاج قولها : «يعني ما أعتقدش إني ممكن اختار لواحدة فيكم جوزها مثلا ! ! و لا حتي أقول رأيي فيه !! مش من حقي فأكيد مش من حقكم يعني هو مش موضوع يحتمل النقاش أساسا».

وخرجت الفنانة عن طورها قائلة : «عمالين بتهروا في موضوع صاحبة الشأن نفسها طلعت في برنامج واتكلمت عن طلاقها اللي كان من سنة قبل جوازي بتخترعوا قصص وهمية و مصدقنها زي مثلا أننا كنا أعز أصحاب وكلام غريب وأنتم ماتعرفوناش أصلا الجواز والطلاق دا نصيب وحلال مش حاتحرموا حلال ربنا يعني ! ! ! و لا هو التدين بيطلع وقت ما نحب».

واختتمت كلامها قائلة: «هو الكلام اللي بيتكتب دا ليه علاقة.. بالدين ولا الأخلاق ؟ لا مسلمة و لا مسيحية و لا يهودية و لا حتي بوذية عندها اخلاق ممكن يطلع منها كلام زي دا لمجرد انها مستخبية ورا موبايل . . . ربنا يهدي صحاب النفسيات الجحيم اللي قاعدين يشتموا علي السوشيال ميديا اي و كل حد و ينظر و يحكم علي حياه بني آدمين مايعرفهمش».