المطرب عمر كمال يكشف تفاصيل أزمته مع باسم سمرة

كشف الفنان الشعبي المصري عمر كمال، تفاصيل مقطع الفيديو الذي تم تداوله مؤخرًا والذي يكشف انفعال الفنان المصري باسم سمرة عليه خلال تواجدهما في حفل أحياه بمناسبة عيد ميلاد صديق، حسب قوله.

المطرب عمر كمال يكشف تفاصيل أزمته مع باسم سمرة :

حيث قال عمر كمال خلال لقاء  معه في برنامج “التاسعة”، و الذي يقدمه الإعلامي وائل الإبراشي : “كنت في حفلة عيد ميلاد وكان موجود فنانين ومخرجين وناس كتير محترمة، وفجأة لاقيت حد بيقولي حيي الفنان باسم سمرة عشان متضايق أوي، أنا مخدتش بالي منه لانه كان قاعد ورا خالص، وقمت بتحيته فعلا”.

و تابع المطرب الشعبي عمر كمال حديثه قائلا : “كل ما أحييه يتضايق أكتر ويشوح، فخلاص سيبته عشان ملفتش النظر ويحصل مشكلة، بعدها جه الفنان سعد الصغير وقالي معلش يا عمر وقف المزيكا خالص وحييه عشان متضايق وهيعمل قلق جامد، وفعلا وقفت المزيكا وحييته، لاقيته جالي عند المسرح بطريقة وحشة جدًا وقالي إنزل، وطبعا عشان الحفلة والناس مرضتش أقوله إيه اللي بتعمله ده يا فنان ونزلت”.

و أضاف أيضا خلال حديثه : “أنا زعلان عليه لأنه فنان كبير، وفنان سينمائي كبير”.

وفي الختام قال عمر كمال : “المشكلة دي حصلت مع الفنان محمد رمضان برضه من جانب الفنان باسم سمرة في أحد الحفلات وحصلت مشكلة بينهما قبل كدة، وصاحب عيد الميلاد كان واخد تصريح أكيد، وأنا مقدرش أمنع صاحب الفيلا أنه يعمل عيد ميلاد”.