أحمد حسن وزوجته زينب يعلنان عن بداية جديدة

 أعلن الثنائي أحمد حسن وزوجته زينب عن مجموعة من القرارات الجديدة التي إتخذاها،  و كان من أهم القرارات هو إرتداء زينب الحجاب , وذلك بعد أيام من إخلاء سبيلهما مقابل ضمان مالي قدرره 40 ألف جنيه في تهمتي إستغلال طفلتهم وتعريضها للخطر.

و يشار إلى أن  زينب قد ظهرت في الفيديو الجديد وهي ترتدي الحجاب، وهنّأها أحمد على القرار “زينب خلاص لبست الحجاب رسميا، فأنا أوّل واحد حابب أقولها مبروك، وإنشالله ربي يثبتك على الحجاب”.

و أكدت زينب زوجة أحمد حسن  “من رمضان اللي فات وأنا كنت عايزة ألبس الطرحة، والحمدلله أخذت القرار ومبسوطة جدا، حاسة إنه ضميري مرتاح” وتابعت “مبسوطة بالقرار ده ومش ناوية أخلعه تاني”.

و أشار الثنائي إلى أن  “فيه ناس كتير بتاخذنا قدوة في حاجات كتير ممكن مش مهمة، فزي مابتاخذونا قدوة في مواضيع مش مهمة، خذونا فدوة في مواضيع مهمة”.

و أيضا قال أحمد حسن : “الفترة الجاية حتشوفوا أحمد وزينب ناس تانية خالص، غير اللي إنتم كنتم تشوفهوم قبل كده”، وتابع “الفترة الجاية حنحاول نبسطكم، حنحاول نسعدكم، حنحاول نقدملكم حاجة تفيدكم، بس في نفس الوقت طبعا حنحاول نقدملكم حاجة ترفيهية تنبسطوا بيها، وحاجات حتحبوها”.

و قالا ايضا عن ظهور إبنتهم ” أيلين ” في الفيديوهات القادمة “أيلين مش حتظهر في الفترة الجاية في الفيديوهات خالص، لا فيديوهات ولا ستوري ولا أي حاجة خالص،…وبعتذر  لكن الموضوع مش بإيدينا، عشان محدش يسأل عن ده تاني الفترة الجاية”.

وفي نهاية حديثهما قالت زينب “يمكن إحنا غلطنا قبل كده، بس والله ماكانت مقصودة أي غلطة إحنا عملناها قبل كده، فتعالوا نفتح صفحة جديدة مع بعض.. إحنا عايزين نفتح معاكم صفحة جديدة، إنسوا أي حاجة فاتت إنسوا أي حاجة حصلت مننا قبل كده”.